Jowai: Ka Annual Sports Meet kawa arsngi yong ka Indian Catholic Youth Movement (ICYM) Jowai Diocese, kawa da sdang ha ka 27 tarik da pynkut yaka haka 28 tarik u Naikhynde, 2019 wei da man ko kawa chongchit ha i phooh i phieñ heiwa da ki phaw ngut ki khynroo khyllood na ki Parish waphær waphær yong ka Diocese da ya chimbynta ki ha ki yalehke waphær waphær kam ki yalehbol, ki yaphet pyllah, Long Jump, High Jump, Relay Race, Basketball ki yakob chaad wa kiwi kiwi.
Ha ka yakhun Football yong ki chynrang, ka Sahsniang Parish da jop ko ya ka Khliehriat Parish da 1-0. Ha ka yakhun Football ki kynthai, ka Khliehriat Parish da jop ki ya ka Sutnga Parish da ka yahcut Tie- Breaker da 4-3.
Ha ka Basketball ki chynrang ka Jowai Parish da jop ko yaka Amlarem Parish. Ha ka Basketball ki kynthai ka Jowai Parish da jop ki ya ka Ummulong Parish.
Ha ka High Jump ki kynthai da wan nyngkong ka Monika Syntem (Barato), wa ar ka Krisbadel Surong (Amlarem) wa le ka Fatima Dkhar (Nongbah). Ha ka Long Jump ki kynthai wa wan nyngkong ka Fatima Dkhar (Nongbah) wa ar ka Krisbadel Surong (Amlarem) wa le ka Tympang Dkhar (Barato).
Ha ka yakob phet 100 Meter Race ki chynrang da wan nyngkong u Pascal Lyngdoh (Shillong-Unit), wa ar u Kelbinus Biam (Barato) wei wa le u Ribaitlang Pakem (Khliehriat). Ha i phet 100 Meter Race ki kynthai da wan nyngkong ka Steffica Toi (Jowai), wa ar ka Ioosuk Sna (Nongbah) wei wa le ka Aibiangmon Rynjah (Ummulong). Ha ka Long Jump yong ki chynrang da wan nyngkong u Ribaitlang Pakem na Parish Khliehriat. Ha ka phet 200 Meter yong ki kynthai da wan nyngkong ka Kongka Tyngkan na Mowkyndeng Parish, haka High Jump ki kynthai da wan nyngkong ka Rikideiburom Rabon Barato Parish, ha ka 400 meter Race ki chynrang da wan nyngkong u Pascal Lyngdoh ka Shillong Unit, ha ka Relay Race ki kynthai da wan nyngkong ka Barato Parish wei ha ka Relay Race ki chynrang da wan nyngkong ka Jowai Parish.
Ha chwa wow pynkut ya kani ka Annual Sports Meet da pynman yaka yalang kawa tbian heiwa u Hira Shylla na Byndihati da man u kam u kongsan wa u Alphonsius Sungoh da man u kam u symbood kongsan.
Ya ki buskit wa ki Certificate da saam cha kiwa jop da u kongsan wei da pynkut ya kani ka sngi da i pynhiar yaka lama yong ka seiñ (ICYM).
Discussion about this post