Jowai: Ka East Jaiñtia Baby League 2019 kawa pynlai da ka East Jaiñtia Hills District Football Association (EJHDFA) deiwa ya krehlang wa ka Meghalaya Football Association kamjooh wa ka sorkar Meghalaya da sdang ki yaka yalehke wa nyngkong yong ka haka 28-09-19, ha madan ka EJHDFA ha Deinchynrum Khliehriat.
Ynru tylli ki Team da ya chimbynta ki kiwa da yabhah ha ki 5 kyrdan wa kynthup yaka Under-6, Under-7, Under-9, Under-11 wa Under-12.
Ha kani ka yalehke da pynyalehke lang chynrang wa kynthai. Haka sngi sdang, kamwa 322 ngut ki khynnah da yoh ki wow chimbynta. Ya ki yalehke u pynman du ha ki sngi Chohthat wa ha ki sngi chuti. Da sakhi leh ha kani ka sngi ya i ya chimbynta wa chongchit wa da wan sakhi da ki bei ki pa kiwa da synran lang ya ki khon.
Ki tre yong waroh ki 6 tylli ki Team da chim ki leh yaka kabu wow e khublei ya u montri u Kyrmen Shylla, uwa da e sñiawbha da ki riam yalehke cha waroh ki Team.
Ini toh katkam ka khubor wa da pyllait da u Baby League Event Manager u Coming TM Tlang, uwa man leh u General Secretary ka EJHDFA.
Discussion about this post