Pynkha ka JSM sa ar tylli ki chnat krehkaam

Jowai: Ka Jaiñtia Students’ Movement (JSM) ynne ka sngi da pynkha ko sa ar tylli ki chnat krehkaam wa tip kam ka Morap wa ka Nongshiwiat Unit.

Ya ka yalang pynkha chnat da pynlai da u TM Dkhar uwa man u President ka JSM- Western Region, da yoh ki kyntien sneiñ kyntu na u Derickson Phawa, President ka JSM-Jowai Circle, u Head Phalangki, Working President ka JSM-Nartiang Circle, u PS Phawa, Joint Secretary ka JSM CB, wa kiwi kiwi.

Ya ka Morap Unit da jied ya u Rihun Bhoi kam u President, u Manrilang Surong, General Secretary, u Jespal Challam, Vice President, u Medari Talang kam u Asst. GS, u Sunil Talang kam u Organising Secy., u Arki Ryngkhem kam u Publicity Secy., u Langdong Kyndait kam u Education Secy, chirup wa 6 ngut ki dkhot ka EC.

Ya ka Nongshiwiat Unit-Border Khasi Jaiñtia da jied ya u Shom Dkhar kam u President, u Kmen Suja kam u General Secretary, u Ebi Suja kam u Vice President, chirup wa ki 8 ngut ki dkhot wow pynskem da ka Nartiang Circle.