Da kyrriah ya i thaw wow pynman yakhih pyrchah ya ka CAB ka NEFIP

Shillong: U Secretary General ka NEFIP, u Robertjune Kharjahrin da pyntip u wa neidaw wymhoi u pynemkaam tanghæng (Sound System) hajan u Mot Kiang Nangbah wa jan ka Shillong Civil Hospital da kyrriah noh ya ka Sit in Protest cha Parking Lot ka Additional Secretariat.

Ka NEFIP daw pynman ko ya ka Public Protest pyrchah ya ka CAB ha waroh ki jylla ka thaaiñ mihsngi (North East) wei ha Shillong daw pynman ya ka nadooh 11:00 waje i step hadooh 5:00 waje i janmiet.

Neiliang ka NEFIP da khut ko ya ki seiñbhalang, ki bru waheh, ki manbei wa ki khynroo khyllood wow wan chimbynta ha kani ka yakhih wow pynyoo wa ka jylla Meghalaya leh pyrchah ko ya ka CAB.