New Delhi: U khlieh ka chnat chipai Indian Air Force (IAF), u RKS Bhadauria da ong u wa ka IAF da pynjanai ko yei rukom krehkaam yong ka khnang wa kiwa choon ymye ki wow pynthut yei rukom phah kyntien (Communication) hapyrdi ki Pilot wa ki yung krehkaam chipai (Ground Station).
Da ong u wa ymye ki wow ap yeiwa phah kyntien i, wei yeini da jubab u hawa kylli ka ANI lada ka Pakistan ye ko wow pynthut yei rukom phah kyntien hapyrdi u ki Pilot kamwa da leh heipor wa chah siat u Wing Commander Abhinandan Varthaman.
Kamwa pynkynmoo heini ka Pakistan ha ka 27 Thohlakhmi uni u snem hadien wa pynthut ko yei phah kyntien u Abhinandan uwa pynhær ya ka MiG-21 Bison da siat ko (Pakistan) ya kani ka lieñsuiñ yapam ha Pakistan-Occupied Kashmir (PoK).
U Bhadauria da jubab u ya ini heipor wa yaklam u wa kiwa pathai khubor hadien wa chimkti noh u ya ka kaam wa khliehdooh ka IAF.
U Bhadauria da pynksan u yei emkaam wei myntoi yong ki S-400 Air Defence System wa ki lieñsuiñ yapam ka Rafale ki wow yarap bha ya ka IAF.
Heijooh i por da maham u leh wa ka IAF man ko kawa da pynkhreh wow jubab ya ka Pakistan lada em iwon iwon i kaam wa pyrchah ka ri wa leh da seiñ kieñ suloi (na Pakistan) katkam ki hukum na ka sorkar pyrdi.
Discussion about this post