Jowai: Ha kani ka sngi saitjain ha i por kamwa 5:30 i janmiet ha Mookhep kawi ka bei wa ka khon da chah dat chah choh ki ha ki bru wa boon wa ym tipmit kiwa psiah iabor ha i yung wa sah kini ki chi bei chi khon.
Kani ka bei kawa 42 snem i rta ong ko kini ki bru kiwa boon bha da psiah ki ha iung ko wei da dat da choh ki ka na khlieh wa na ryngkhi da u dien.
Ia ka khon ko kawa dang 12 snem da ksoh kika wei da injek kika na ka kti tidiang, ka doctor M Sangma iong ka Dr. Norman Tunnel da suba ko toh wa choor ki da i acid. Ha i sakhi ia ka kti kani ka khynnah da chem wa wyrdung wei khohslor joor bha ko.
Ia kini thyrnia injek wa em artylli da wanrah cha ka hospital da kani ka bei heiwa ka doctor iong ka hospital da suba ko wa uwi toh wa em kynja acid wa uwi yo kam i jung.
Ha iaklam wa ki pulit da ong ki wa ym putip ki i yi i daw wa wan dat kitea ki bru ia kini ki arngut. Da ong ki leh wa ia kini ki arngut da wanrah cha ka Dr. Norman Tunnel Hospital ha i por 7:30 i janmiet.
Ia kani ka case daw chimkti da ki Police yong ka Lad Rymbai.
Discussion about this post