Pynskem chnat thymme ka Seiñ Kur Dkhar ha Moodymmai

Jowai: Ka Seiñ Kur Dkhar – Jaiñtia Hills Central Body hei yahkhmat u Vice President yong ka, u Harwis C Dkhar wa u General Secretary, u Hamjhan H Dkhar da lai pynskem ki ya ka Seiñ Kur Dkhar Jaińtia Hills West Zone, chnat “Moodymmai” ha kani ka 8 tarik Naichiphaw ha chnong Moodymmai ha yung ka Alness Dkhar. 

Ha kani ka chnat da kdup lang chirup ya kiwa na chnong Umladang, Mookyndur wa Niriang. 

U Emirick Dkhar wa pynlai ya ka yalang da khut u ya u Molsing Dkhar wow pdiang sñiawbha ya waroh ki khon ka kur chynrang wa kynthai kiwa wan ha kani ka sngi hei wow ap u siaw yei sñeiñ i kroo na ki waheh wasian yong ka kur.

Neiliang u Spiser Dkhar da khana u ya ka parom wa tbian yong ka Kur wa na ki ar ngut ki Beipun tæ roi ki ha kani ka chnong Moodymmai ki yong Dkhar.

Related posts

Khlaad noh ka Kong Nitaboris Biam

November 9, 2024

Sñiawkhia u Andrew Shullai ya i tlot i rukom pynmih poisa ka JHADC

November 7, 2024

Chooh chooh da yoh ya i klam na u Gabreal Dkhar General Secretary ka Chnat Jowai, u Pdianghun Dkhar, Jt. Secretary Central Body.

U Hamjhan H Dkhar won da pynche u wa ka Seiñ Kur man ko wow pyniatipmit iwi ya iwi na kawi ka chnong cha kawi ka chnong khnang wow lait na ka chongsang chongma hei chongkha chongman khamtam u yait ki leh na i sih i roi yong ka pyrthai wa boonjait. 

Heijooh i por da ban joor u leh wa toh u pynchkeh ki hei puræ puthi hei khih hei kreh khnang wow ye u yarap kylliang u chaan kylliang la hei duk hei suk kam ki para kur, heijooh i por u man ki leh kiwa tipbru tipblai wei kamjooh leh u mih ki chakhmat hei wow kynrong kyntu ya ka imlang sahlang yong ka chnong ka thaw khlem da pait liang ha ka niam, ka Politics khnang wow man ka kur kam ka nuksa ya kiwi. 

Ha kani ka sngi da emlang leh kiwa kitkaam na ki Circle, ki Unit waphær waphær nadooh u Medister Dkhar, u Kyrshan Dkhar, u Shaniah Dkhar, heiwow pynchongchit ya kani ka sngi sah kynmoo hei wa u Harwis C Dkhar da pynbaam smai u ya kiwa kitkaam ka chnat “Moodymmai” hei wow yoh noh ki u kreh ya i kaam yong ka kur.

Heijooh i por da ekti leh ya ki kot ki sla cha ka chnat da u Teras Dkhar wa man u President yong ka Seiñ Kur Dkhar Jaiñtia Hills East Zone heiwa da pynkut ya ka da i kyrkhu kyrdoh na u Bokjune Dkhar.