Jowai: Ka Piramal Swasthya Management Research Institute & Plan India deiwa ya krehlang waka MACS ha kani ka 12 tarik wa da dep da pynman ki yaka pynsñiawthooh paidbah ha Community Hall ka Wapung Skur. EJH hajrong ka phang wa ong “Say No to AIDS Spread the Word not the Virus”.
Hawa e yei klam ha kani ka sngi ka Rinibeth Patlong, Field Mentor FHI 360, da klam ko chaphang wa kammon uni u khniang HIV yabi u wei kammon wow yada na oo. Da ban joor ko leh yaki manbei wa punkhon wow lai pynyoo Doctor ki man i por heipor wa punkhon ki wei wow phah Test neibynta uni u khniang. Da ong ko leh wa neibhah lada tip biang por katni ki Doctor ye ki u yada ya i khonboo wa pun naka bei wa em ya uni u khniang yow lait ki na oo lada lai kha ki cha ki Hospital.
U ASR Lakiang O/C In-charge ka Ladrymbai Police Out Post hawa e yei klam da ong u wa neiliang ki pulit da yaleh chitom bha ki u kreh khnang yow ye u pynduna i poor kani ka kjut lyngba ki pynsñiawthooh paidbah wei heijooh i por leh da krehlang ki wa kiwa chong chnong khnang yow man i kaam iwa jop. Da ong u leh hadien wada seiñ yaka ANTF ha East Jaiñtia Hill da leh chiboon ki kaam hei wow kem ya kiwa dai drug hapoh ka District.
Ha kani ka sngi da yoh leh yei klam na u Dr. K. War In-charge PHC Wapung, na u waheh chnong wa kiwi kiwi haka yalang wada pynlai daka Janika Siangshai Field Officer Plan India.
Ha kani ka sngi da wan chimbynta daki khynnah skur kiwa sikai, kiwa chong chnong wa kiwi kiwi.
Discussion about this post