Pyrchah ka chnong Umkiang yaka Public Hearing ka Star Cement

Jowai: Ka chnong Umkiang, da pynsñiaw ko yei pyrchah joor ya ka Public Hearing yong ka Star Cement ka wow man ha ka 19 tarik uni u bnai, neibynta wow pynheh ya i tih moochuni, hapoh ka Elaka Narpuh, Brichyrnot. I daw wa pyrchah ya katai ka Public Hearing yong ka Star Cement toh wa lada e laad wow tih næ pynheh ya i tih moochuni daw ktah ko ya ka rymaw khamtam wow pynjakhlia ya ka wah Lukha nalor wa ka da chah pynjakhlia chwa ko.

Kawa ar toh i em ki Company hapoh ka Elaka Narpuh, ym myntoi ko iyi iyi leh ya ki paidbah ka thaaiñ la ha ka roi ka paar, i yoh kaam yoh jaam. Wei lada e laad ya ka Star Cement wow tih moochuni næ wow pynheh ya kawa da dep pynjæd chwa, u myntoi ko du ya katai hi ka Company.

Ka chnong da ong ko iwa sñiawsih toh hachwa ka Public Hearing, ki Company da yaleh dohyap ki wow lai khroh ya ki paidbah wow yarap ya ki næ wow e kyrchaan ya ka Public Hearing deilang wa chiboon ki kular kiwa heh wa heh, tangwa hadien wa da dep ka kaam ka jam, ki Company ym jooh bna ki ya u paidbah khamtam ki khynroo ka thaaiñ kiwa da biang i stat i tip wa kiwa dooh kaam dooh jaam wa ki bru wa dooh ki wym yoh yarap naka Company.

Kamtæ ka chnong Umkiang, ka kyrpaad joor ko ya ka sorkar wow pynsangeh noh chisyndon ya katai ka Public Hearing wei wym e laad ya ka Star Cement wow tih ya u moochuni neibhah daw ktah ko hadooh kattæ kattæ yaka rymaw khamtam ya ka wah Lukha. Wei lada ka sorkar ka e laad ko ya ini i tih moochuni yong ka Star Cement u lai ko cha khmat, ka yalap pynneh pynsah rymaw ka sorkar ym em yumut ko wei lada ka sorkar ka e laad ko ya kani ka Public Hearing, kiwa yahkhmat yong ka chnong Umkiang, ym krehlang de ki waka sorkar lyngba ki chnat sorkar kiwa toh u pait ya ka khloo (Forest) næ kiwon kiwon ki chnat kiwa toh wow pynneh pynsah ya ka rymaw neini cha khmat.

Related posts

Khlaad noh ka Kong Nitaboris Biam

November 9, 2024

Sñiawkhia u Andrew Shullai ya i tlot i rukom pynmih poisa ka JHADC

November 7, 2024

Ka chnong da ong ko leh wa sñiawlyngngoh wa hawa ki paidbah næ ki khynnah skur ki lai ki wow paan yarap na ka Star Cement næ kiwon kiwon ki Company wa em ha Narpuh, barabor ki phah lai næ phah thoh cha ka Association yong ki Company Cement. Ini i leh yong kini ki Company pynyoo ko wa ym em kheiñ snep ki ya ki bru yong ngi deiwa pynchaad chrieh cheini chetai.

Ini toh katkam wa pyntip u Lasting Pala, Waheh Chnong Umkiang wa u Nicholas Lyngdoh, General Secretary Umkiang.