Jowai: Ka Protection of Biodiversity and Fishing Association Elaka Raliang da yoh ko wow pyllait symbe dakha hadooh 7000 tylli ha ka 12 tarik uni u bnai ha ki Fish Sanctuary.
Kini ki Fish Sanctuary toh ka Rymphum Laskein wah Myntang, Thwai Jri Sahsniang wah Myntang, Thwai Thangiein Iooksi Wah Massar wa ha Ban Iongnoh Kyrwen wah Iongnoh. Ka seiñ ka kyntu joor ko ya ki paidbah wow krehlang yow pynneh pynsah ya ki doh um ha kitai ki thaw, wei da maham wym hoi u pynsih ya ka um da ki dawai næ kiwon kiwon ki laad pynsih ha waroh ki wah wa em hapoh ka Elaka Raliang. Wei lada chem, ka seiñ daw pynchitom ko katkam ki kyndon.
Kamjooh leh u Secretary ka PBFA u Lasting Suchiang da e khublei u ya ki paidbah kiwa da krehlang ha kine ki 2 snem tam wa da dep, wei ki paidbah da sakhi ki wa ki doh um da sdang ki wow roi ha kini ki wah. Wei da kyntu leh ya ki paidbah wym toh u pynyap leh ya ki mrad neidaw wa sdang dooh jait ki, wei ha i por tlang wa ym toh wow thang loom.
Discussion about this post