Jowai: Ka 6 Shnong Wah Lukha Association da pynsñiaw ko yei sñiawngooh wei da e khublei ko ya ki paidbah waroh kiwa wan kyrchaan ya ka 6 Shnong ha kani ka 19 tarik wow pyrchah ya ka Public Hearing yong ka Star Cement.
Ka Association da e khublei ko yaka Khasi Student’s Union (KSU) Jaintia Hills District Unit hapoh i yahkhmat u Ohibait Dkhar, ka KSU Narpuh Circle hapoh i yahkhmat u Kwilnis Suchiang, Ka Jaintia Student’s Union (JSU) Central Body hapoh i yahkhmat u Lawyerson War, Ka Jaintia Student’s Movement (JSM) hapoh i yahkhmat u Leningstar Rymbai, Ka United Hynniewtrep Movement (UHM) East Jaintia Hills Unit hapoh i yahkhmat u Yoomeki Kyndait, Ka STIEH hapoh i yahkhmat ka Deiwi Tongper wa ka RUDS hapoh i yahkhmat u Haranki Syrti.
Da e khublei leh ya ka Dorbar Chnong Umkiang hapoh i yahkhmat u waheh chnong u Lasting Pala, ka Seng Samla Shnong Umkiang hapoh i yahkhmat u Shanbor Dhar, ka Eastern Narpuh Border Fishing Association hapoh i yahkhmat u Decided Suja, ka Seng Samla Shnong Sonapyrdi hapoh i yahkhmat u Syrosse Lamare, da e khublei leh ya u waheh chnong Pyrtakuna u William Shylla, wa ya waroh ki bru wa ki paidbah kiwa wan nadooh na Mynkre, Chiehruphi, Wahiajer, Lumshnong, Donaskur, Dona Umbluh wa ya kiwi de ki bru kiwa wan na kiwi won ki chnong kiwa kyrchaan ya i pyrchah yong ka 6 Shnong yaka Public Hearing yong ka Star Cement.
Ka kyrwoh na ka 6 Shnong da ong wa ka ym em ko iyi iyi leh wow su kylliang ya waroh ki seiñbhalang wa ki Dorbar Chnong kiwa wan kyrchaan ya ka, tangwa da duwai kyrpang cha u Blai wow yoh ki yaka kyrkhu na oo wei wow yoh ki leh yaka chemphang kiwa yahkhmat seiñbhalang wa waheh chnong khnang yow ye ki u chakri bha yaka imlang ka sahlang wei wow pynbha leh ya ka chnong ka thaw wei khamtam ya ka ri wa ka jaitbru hi waroh kawi.
Ini toh katkam ka kyrwoh wa phah da u Daiapherbha Lamare, Secretary 6 Shnong Wah Lukha Association.
Discussion about this post