Lai e yarap ka MPUF cha ki ar tylli ki manyung wa chah ieh khonswet wa kiwa dooh wa duk

Jowai: Ki dkhot yong ka Meghalaya People United Front (MPUF), East Jaiñtia Hills District, ynne ka sngi ka 22 tarik, ha i yahkhmat u Kyrshan Blah, President Khliehriat Circle, da lai e yarap ki da ki tiar baam tiar dih kiwa kynthup ya u khoo chini wa ki that kup kam ki Blanket wa kiwi cha ki ar tylli ki manyung kiwa chah ieh khonswet khon rangli wa kiwa em hapyrdi i dooh wa khroo, kini ki manyung toh kiwa em ha ka chnong Iongkaluh, East Jaiñtia Hills District.

Kini ar tylli ki manyung toh ki yong ka Misila Dkhar kawa em le ngut ki khon kiwa u pa yong ki da khlaad noh u ha kini ki ar le snem wa da dep wei sa kawi won toh ka yung yong ki 6 ngut chi payu kiwa ka bei yong ki da khlaad noh ko ha ki san snem wa da dep ka (L) K. Dkhar, kiwa dang chong dang sah katni wa u pa ki u H. Tamang uwa kreh mylla.

Ynne ka sngi ha chwa wow e kti ya ki tiar cha kini ki ar tylli ki manyung da em ka yalang wa tbian wa pynlai da u Wompher Dkhar dkhot MPUF, wa i klam na u Kyrshan Blah, uwa da ong, wa ya kam kini ki bru wa sah khonswet khonrangli hawa pait, ktah ko hadooh kattæ kattæ ya oo wei emkaam nadooh ki MDC ki MLA wa toh u pait wow thooh laad wow yarap ya ki, neibhah kamwa yoo i katni wot i yung wa sah wa chong ki ym man de i iwa chngaiñ ya ki neidaw wa da sih da pra palat ki.

Da ong u leh wa kiwa yahkhmat chnong emkaam ki wow yaklam yow pyntip ya ki cha ka sorkar wa kini ki manyung kiwa dooh wa duk kiwa toh hok wow yoh ya ka Scheme na ka sorkar, neibhah katni ka sorkar em ko chiboon ki Scheme e yarap ya kiwa dooh wa rangli wa ya kiwa sah khonswet.

Related posts

Khlaad noh ka Kong Nitaboris Biam

November 9, 2024

Sñiawkhia u Andrew Shullai ya i tlot i rukom pynmih poisa ka JHADC

November 7, 2024

Da yoh leh yei klam na u President ka Ladrymbai Unit u David Dkhar, President ka Mukhaialong San Shnong Circle u Johny Phawa, haka yalang da emlang ki dkhot yong ka seiñ wa ki dkhot yong kitai ki ar tylli ki man yung.