Jowai: Ka Nehru Yuva Kendra, Jowai ynne ka sngi da pynman ko yaka yakob kawa tip kam ka Declamation Contest hajrong ka phang ‘Patriotism and Nation Building’ ha Kur Sookpoh Community Hall, Chilliangraij Jowai hei emlang u D. Rapsang Youth Coordinator Nehru Yuva Kendra. Kani ka Declamation Contest man ko leh kam chibynta ka Republic Day Celebration 2018-19.
Ka yakob Declamation toh ka yakob stat klam paidbah heiwa kiwa chimbynta ye ki wow klam ya iwa da dep klam paidbah chwa kiwi ki bru kiwa pawnaam wa kiwa sahkynmoo haka pyrthai kiwa yei u man nadooh i klam ki bru seiñ pyrthai wa kiwi kiwi wei ye ki leh wow klam ki heitæ i rukom wa yatoh waka juk wa katni katkam ka phang wa da booh.
Waroh kiwa chimbynta da em ki 15 ngut na ki 5 tylli ki Block ka East wa West Jaiñtia Hills District, hiewa kiwa chimbynta da wan ki na Saipung, Khliehriat, Laskein, Thadlaskein wa Amlarem Block yow mihkhmat ya ki jar jiar ki Block.
Ha kani ka yakob, u Ripos Lyngdoh na chnong Rngad uwa mihkhmat yaka Khliehriat Block da rah u yei naam jop, wa ar da yoh u Sonovershine Nyalang ba chnong Mawlong, Amlarem Block katwa yei naam wa le da yoh ka Balam Pakma na Laskein Block kawa na chnong Mynso.
Uwa yoh nyngkong da yoh u leh yaka song poisa wa T. 5000, wa ar da yoh T. 2000 katwa kawa yoh wa le da yoh ko T. 1000. Uwa yoh nyngkong daw mihkhmat u leh ya ki ar District haka State Level Declamation Contest kawa daw pynman ha uni u snem hi.
Ha kani ka sngi da yoh leh yei klam na u D. Rapsang, District Youth Coordinator wa na u H.H. Mohrmen.
Discussion about this post