Jowai: Ka seiñ kiwa e dawai kynbat ha ri-loom Jaiñtia wa tip kam ka Jaiñtia Indigenous Medicine Association (JIMA) ynne ka sngi da pynman ki yaka yalang ha Conference Hall Paradiso, Jowai neibynta wow pyrkhat hajrong ka thong wa kammon wow pynku wei wow chimkhia yaka kaam e dawai.
Ha kani ka yalang da pyrkhat neibynta wow phah yaki dkhot wow pynpsiah pyrtuid cha ka Bio Resources Development Centre, Shillong, wow jied leh yaki dkhot wow thap pyrtiuid yow tipmit ka Quality Council of India, kamjooh leh da yaklam neibynta wow pynman yaka pynyoo rong namo ka Exhibition.
U Dr. H.C. Pakynteiñ President ka JIMA da ong u wa ka Exhibition leh man ko kawa emkaam wow pynman neidaw wa da em ki snem wa jooh pynman nachwa da yoo sakhiat yei wan chimbynta ki paidbah wei da man ko kawa yarap bha.
Hawa yatoh wa ki laad yarap naka sorkar da pyntip u wa nadooh wa da ya krehlang wa ka Bio Resources Development Centre (BRDC), Shillong, da yoh yarap ki lyngba ki tiar ki tar wa emkaam waka poisa wa T. 3000 samen.
Ha kani ka yalang da saam leh yaki Cheque cha ki 21 ngut ki dkhot kiwa ym ye u poi cha ka yalang wa da khut pynman ka BRDC ini wa da dep ha State Central Library, Shillong.
Discussion about this post