Jowai: I pyndep niam wa khaddooh ya u Most Rev. Dominic Jala, SDB, DD Archbishop ka Shillong Arch Diocese, da pyndep ynne ka sngi ha Mary Help of Christian, Cathedral Parish, Laitumkhrah kawa da wan sakhi lang sa ki hajar ngut ki paidbah nadooh u montri rangbah ka jylla u Conrad K Sangma, ki montri yong oo, uwa yahkhmat ka liang pyrchah u Dr. Mukul Sangma wa kiwi kiwi de.
Yaka Holy Mass da yahkhmat da u Archbishop ka Guwahati u Rev. John Moolachria wei da puræ leh ya ki ktien sñiawlem na u Secretary of State, Vatican kawa ong wa u Pope da sñiawsih u ya i khlaad u Archbishop wei da phah u ya ka khubor sñiawlem cha kiwa ha yung ha sem yong u Archbishop.
Neiliang u MP ka Shillong u Vincent Pala da kynmoo tympang u ya u Archbishop kamjooh i lai luti wow wanrah yei met cha Shillong na USA, neiliang u Conrad da ong u wa u Archbishop ha ki 41 snem wa kreh u yei kaam u Blai wa kamwa 20 snem kam u Archbishop da chakri u ya ki paidbah wei kini ki sngi da mih ki yaam bru na waroh ki bynta ka imlang sahlang wei ka sorkar leh ym mylliñ ko ya ki kaam wa bha wa da leh u.
Neiliang u Dr. Mukul Sangma da ong u wa da dooh i ya u bru wa e mynsien wa uwa sikai wa uwa yah luti wa khroo bha.
Ya i metyap u Archbishop da tyllep ha pchem ka Mary Help of Christian, Cathedral Parish, Laitumkhrah katkam wa da kwah u.
Discussion about this post