Shillong: U Chairman ka Meghalaya State Planning Board, u Lambor Malngiang ynne da sdang u ya ka Project “Beat Plastic Pollution with Sla & Pla” namo wow pyndam ya i sih na ki Plastic deiwa pynemkaam da ki sla wa ki muna, wei ya kani da wai ha Laitumkhrah Parking Lot, Shillong wei kani ka Project toh ka yong ka Meghalaya State Planning Board.
Ha kani ka sngi da emlang leh ka MLA ka Shillong East, ka Dr. Ampareen Lyngdoh, u C P Marak, Chairman ka Meghalaya State Pollution Control Board, u M R Synrem, Commissioner & Secretary State Planning Board, u Cyril VD Diengdoh, Project Director, S&T Cell & Member Secretary, State Council of Science Technology & Environment, ka Matsiewdor War Nongbri, Deputy Commissioner, East Khasi Hills, u BS Sohliya, CEO, Shillong Municipal Board, ki dkhot ka NESFAS, Bethany Society, Environment, Urban, Natural Resources, kiwa chong chnong ka Laitumkhrah, ki tre dukan wa ki khynnah skur.
Ka thong yong kani ka Project toh wow pynsñiawthooh wei wow pynchlur wow dam u pynemkaam Plastic wei wow pynemkaam da ki tiar song kiwa ym ktah ya ka rymaw.
Ya kani ka Project da kyrchaan da ka Meghalaya State Planning Board, State Council of Science Technology & Environment chirup wa ka yungkrehkaam Deputy Commissioner ka East Khasi Hills, Shillong Municipal Board, Meghalaya State Pollution Control Board, Directorate of Social Welfare, Directorate of Tourism, Directorate of Urban Affairs, State Council of Science Technology & Environment, Laitumkhrah Dorbar Shnong, NEEDS, NESFAS, Bethany Society, KISHA waka Radio Mirchi Shillong kam ka Media Partner.
U Malngiang hawa e yei klam da batai u kammon ki Plastic ktah ki ya ka rymaw, wei kani ka bynta man ko kawa sñiawkhia ym du hapoh ka ri tangwa ha kylleiñ ka pyrthai.
Da ong u wa katkam kawi ka sorjamin hadooh 5000 tylli ki muna Plastic wa pynemkaam chisien dep te noh man ka sngi na Iew Shillong donhi, katwa kamtæ da ye u mutdur hadooh katwon tylli ki Plastic wa mih na ki yaaw ka jylla man ka sngi. Kamtæ da kyntu u ya waroh wow yakrehlang wow ye u dam u pynemkaam Plastic khnang wow ye u yada ya ka rymaw.
Ka Dr. Ampareen Lyngdoh, da ong ko wa ha ki Plastic em ki bynta kiwa man bih bha ya ka rymaw, wei i khang u pynemkaam Plastic man i iwa emkaam tam.
Da ong ko leh wa i pynemkaam ya ki sla wa ki muna man i leh iwa ye u e khih e kreh ya ki bru hapoh ka jylla. Da pynsñiaw ko leh yei emkaam ya ki kor thang jhep ha Iew Shillong wa kiwi ki yaaw wa heh wa em ha ka jylla.
Kiwi kiwa da klam ha kani ka yalang toh ka Matsiewdor War Nongbri, u C P Marak, u Naba Bhattacharjee, u Carmo Noronha wa u Dr. M Nongrum na ka NESFAS.
Discussion about this post