Jowai: Ka Synjuk Seng Samla Shnong Upper Shillong Zone da beiñjoor ki ya kiwa chong dai madan hapoh ka Meghalaya & Greater Shillong Progressive Hawkers & Vendors Association kawa da pynsñiaw phylla ya ka seiñ wa ya ki khynroo wa boon wa ki manbei Khasi heithaw wow yahkhmat ya ki khon khynroo khyllood wow man kiwa jai jai tangwa da pynman ko ka tim ya ki khon khynroo khyllood wow hap u mih madan wow pyrchah ya i leh khlem da pyrkhat yaka mynried ki khon ki ksu hadien, deiwa kwah ki u e lut ya kawa katni haki baar jylla dei wym pyrkhat ya kiwa boon ki khon Khasi kiwa thooh ja kpoh ha kam kini ki thaw neibhah wa daw poi i por wa i daw duna kreh palat ya ka por wa katni.
Ka synjuk da ong ko leh wa katni da yoo wa ki manbei ki yakhun ki wow yoh thaw chong dai madan daki baar jylla khlem pyrkhat de yaki pateiñ ki wow wan, wei iyi wa em cha kylla wa leh ki ya ini.
Kamtæ ka Synjuk Ki Seng Samla Shnong Upper Shillong da sñiaw yahap ko ki yeiwa leh yong ka KHADC hajrong i khynra Trading Licence wei wow Register noh ya kiwa chong dai madan kiwa haap hapoh ki thaw kiwa toh u pait ka Council wei i leh yong ka Council toh neibynta i yohnong yong ki tre jylla hi. Chooh chooh lada kiwa chong dai madan kiwa ki baar jylla ym nood ki wow lai Register hapoh ka Council mut wa ym biang ki ya ki kot ki sla wow khayi hapoh ka jylla yong i.
Ka kyrwoh na u Publicity Secretary u Donbok Thabah, SSSS Upper Shillong Zone.
Discussion about this post