Jowai: Kam chibynta ka Clean Green Jowai Campaign ynne ka 9 tarik da pynman ya ki yalang pynsñiawthooh paidbah yow pynman yaka Iawmusiang kawa khooid deiwa saam leh ya ki kot lakdop cha ki paidbah, kiwa chong dai wa cha kiwa yah kari yow chimkhia ki u pynman yaka Iawmusiang kawa khooid.
Da pynman ya soo luti ki yalang paidbah ha Stand Ummulong, Stand Nangbah, Stand War wa ha Iawchyiap wei ha waroh kini ki soo thaw da yoh ya i klam yow pynsñiawthooh paidbah yeiwa emkaam wow pynman yaka Iawmusiang kawa khooid kawa man leh i dur ka chnong Jowai.
Da kyrpaad ya ki paidbah wow pyllang ya i jhep ha ki churia wei ym toh u noh roi kat chwa yoh, wei ya ki jhep wa mih na ki dukan wa kiwi toh u e cha ki truck ka Jowai Municipal Board kawa wan lum wei pyllang jhep ha Iawmusiang nadooh 6 waje i janmiet hadooh 8 waje i miet. Wei lada em ki jhep wa dang sah wym toh de u noh ki hadien wa da lai ki truck ka Municipal.
Ya ki paidbah wa lai wa wan ym toh u noh ki yei jhep cha luti cha syngkien, kiwa yah kari wei kamjooh ya kiwa chong kari wow leh ki ya ini i jooh.
Da kyntu leh yaki paidbah wow klam ya kitu kiwa nohroi yow dam ki u pynmyllien ya ini wa jooh myllien ki.
Ynne ka sngi leh da pynman yaka pyllang ya ki jhep ki jakhlia wa em cha rood sarok da ki dkhot ka Clean Green Jowai Campaign wa ki Volunteers.
Discussion about this post