Pdiang u Banteidor yei duna poisa ka sorkar jylla

Shillong: U Acting President ka People’s Democratic Front (PDF) uwa man leh u Montri ha ka sorkar Meghalaya Democratic Alliance (MDA) wa yahkhmat da ka National Peoples’ Party (NPP), u Banteidor Lyngdoh da pdiang u wa ka sorkar jylla em ko hapyrdi ka duna poisa.

“Ha kawon kawon ka sorkar i eh da em bait ko tangwa kini waroh toh ki yaleh wa ka sorkar ka haap ko wow yakhun wow pynwiar ki kamjooh ya i eh wa ki paidbah ka jylla yachem ki. Ka Party ym em chong suki wei na i por cha i por da yaklam i wa u Montri Rangbah, u Conrad K Sangma,” da ong u Banteidor hawa klam wa ki laad pathai khubor ynne ka sngi.

Da ong u wa kani ka sorkar kawa katni ka hap ko wow pteiñ ya ini i eh ha i duna poisa lyngba na ka sorkar warim wa yahkhmat da ka Congress.

“Kam ka Party i ym em i wow pynbaad ya kiwon kiwon, tangwa katni man ko neibynta wow ya krehlang neibynta wow pynwiar ya ini i eh. Ka kaam wa kongsan kam ka Party wa emlang ha ka sorkar man ko kawa e yumut lada chim ya kawon kawon ka rai wow pyndooh ya ini i eh,” da ong u.

Related posts

Hiar lai pait u Wailadmiki ya ki sarok wa da pynbna wow chna noh hapoh ka Jowai Constituency

May 4, 2025

Phah u Himanta wow tyngkheiñ yei kjat kiwa yaroh ya ka Pakistan

May 2, 2025

Hawa kylli, u Banteidor da ong u, “Man ko kawa sakhiat wa ka sorkar ka em ko hei duna poisa khamtam hei sahkut ki Bill yong ki Contractor, tangwa ini ym em mut wa ka sorkar ym ye ko wow pynlai yaka kaam chakhmat.”

Da ong wa ini i dooh poisa u man ko kawa du chipor khamtam hawa ka ri India wa ka pyrthai waroh da chah ktah bha katni nei hiar ka yoh ka kot.