Jowai: Ka Khliehriat Bar Association (KBA) da pyntip ki wa da thoh ki cha u Superintendent of Police ka East Jaiñtia Hills wa haka General Meeting yong ka seiñ wa pynman ha kani ka 11 tarik da yaklam bniah ki ya i chah leh khlem akor ka dkhot ka Bar kamjooh yeiwa chah ktah i pyrkhat pyrdeiñ ko hadooh wa ym man chngaaiñ de ko na ini wa jia yaka ha kini ki sngi.
Ka KBA da beiñ joor ko ya i leh wa ym toh de kam u bru da u In-charge ka Ladrymbai Police Out Post yaka dkhot ka seiñ wei toh u pynman yaka takit wa khlem da leh chilliang yow yoh ko yei hok yong ka na iwa leh uni u pulit uwa toh u man kam u wow yada wei wow pait yaka aiñ.
Da ong chooh chooh wa kam ki muktiar kiwa yasaaid aiñ lada ym em sñiaw ki wa ym ye ki u yoh yei yada pyn naki bru wa pait yaka aiñ kiyi won wow sñiaw hapoh ka imlang sahlang yei chaniah wow yoh yei yada wei ini i leh u pulit wa chah pynbaad da chimkhia bha ka Bar ka.
Discussion about this post