Shillong: U montri rangbah ka jylla, u Conrad K Sangma da ong u wa daw paan u yaka bui (Report) yei wym biang i krehkaam ka Meghalaya Fire & Emergency Service hadooh wa poi chei dooh yei mynsien yong ki arngut chi kurim hadien wa i diñ wa kop haka yungmane ka Balang Church of God wa em ha Qualapatty, Shillong da poor i cha i yung kini ki chi kurim.
“Lada em iwon iwon i duna hei kreh daw phah pynman yaka takit chisyndon. Da pyntip ya nga da ka Deputy Commissioner ka East Khasi Hills kawa ong wa ki paidbah ong ki lada poi ki kari tympleh diñ heipor ym yoh ware i diñ wow baam hadooh katni. Daw paan O yaka Report, neidaw kani ka kaam man ko khia bha,” da ong u Conrad hawa klam wa kiwa thoh khubor ynne ka sngi.
Da ong u leh wa hap pyntikna wa kam ini ym toh de u jia i neini chakhmat tangwa ym man i i por wow pynbaad hi eh katwa ym pu tip ya i sakhiat.
U Rangbah Shnong ka Qualapatty, u Martamlin Pyrbot, da pynbaad u yaka Fire Services yei dooh i mynsien ki arngut wei daw pynman yaka yalang yow chim yaka rai wa kammon u lai chakhmat.
U Conrad da lai yachem u leh ya kiwa ha yung ha sem kiwa khlaad na ini i jia.
Discussion about this post