Ynnin ka 18 tarik soo ngut ki chipai khyndaw (Indian Army) wa wa ar ngut ki bru paidbah kiwa kit mar da dooh ki yei mynsien hadien wa chah tymmoh ki ha u thah wa oor heipor 3:30 nohchariñ ka sngi ha Siachen Glacier kawa man ka madan yalehthma kawa jrong tam ha pyrthai kawa em ha Ladakh.
Kini ki chipai waroh em ki 8 ngut kiwa lai sonteri ha ki loom wa jrong kamwa 20,000 feet.
Mar ya jia ini i oor thah da phah yarap na ki chipai wa em hajan i thaw wa jia wei da pyrchang wow pynlait ya waroh wei da khlaad noh 6 ngut (4 chipai wa 2 bru kit mar) neidaw wa joor i dait-thah.
Ya kiwa mynsoo da kit ya ki da ki lieñsuiñ ñiangkachiah (helicopter) chirup wa ki doctor cha ka Military Hospital, heiwa da chah sumaar ki.
Neiliang u montri ka kaam yada ri, u Rajnath Singh da pynsñiaw u yei mynsien wa khia hajrong ini wei da phah u leh ya ki kyntien wyrai cha kiwa hayung kiwa da khlaad.
Discussion about this post