Shillong: Ka Meghalaya da jop suk ko yaka Goa da 8-1 haka yaleke wa ar yong ka haka Sub-Junior National Football Championship Final Round wa pynman ha Kalyani, West Bengal, ynne ka sngi.
U Daminot Wahlang (22′, 31′), u Colinsalmon Lyngdoh (43′, 49′) wa u Samlang Rympei (62′, 80′) da yoh ki wow thap mar ar kool, katwa u Baniatyllilang Mawkhiew (59′) wa u Clifford Lytan (70′) da yoh ki wow thap mar chi kool.
Ka yalehke da man ko kawa jem chilliang na kiwa yalehke ha kani ka Final hadooh ynne ka sngi.
Kiwa yarap e bool yow yoh u thap kool toh u Rympei, Lyngdoh, Mawkhiew wa u Wanboklang Wahlang.
Ka Meghalaya da chah thap ko chi kool lyngba ka Free-Kick haka minit wa 68.
Ka Meghalaya kattu da jop ko arsien wei da em ko ha khlieh ka Group A deiwa yoh 6 Point. Ka Kerala, hadien wa rem ko haka Meghalaya da jop ko arsien wei da yoh ki 6 Point.
Ka Meghalaya kattu u yachem ko waka Punjab haka 26 tarik. Ka Punjab da ya drawn ko chisien wei da rem ko chisien.
Discussion about this post