Shillong: Kam chibynta wow lehwarom yei pdiang ya ka Constitution namo ka riti synchaar ka ri wei wow warom yeiwa da leh kiwa da thoh ya ka, ka High Court of Meghalaya chirup wa ka Meghalaya State Legal Services Authority (MSLSA) da pynman ko ya i pynyoo dur namo Photo Exhibition ha kani ka yung kasari ka jylla.
Ya ini i pynyoo rong ya ki dur da wan wai da Justice Mohammad Rafiq, Chief Justice, High Court of Meghalaya and Patron-in-Chief, MSLSA ynnin ka 26 tarik.
Ha kani ka sngi da emlang u Justice H. S. Thangkhiew, Judge, High Court of Meghalaya and Executive Chairman, MSLSA, u Justice W. Diengdoh, Judge, High Court of Meghalaya, ka B. Mawrie, Registrar General, High Court of Meghalaya, u Noor Ain Khan, Member Secretary, MSLSA wa kiwi kiwi.
U Justice Mohammad Rafiq, da ong u wa ka 26 Khonchonglad da lehwarom ya ka kam ka Constitution Day, wei uni u snem man ko kawa 70 nadooh wa pdiang ya ka Constitution, wei wow wanrah ya i sñiawthooh ya ki kaamram kiwa chong chnong ka ri ya iwa daw leh da ka Meghalaya State Legal Services Authority.
Ha kani ka sngi u Chief Justice, Justice Mohammad Rafiq wa u Justice H. S. Thangkhiew, Judge, High Court of Meghalaya da yahkhmat ki wow puræ ya ka Preamble wa ki Fundamental Duties ha ka Constitution.
Wow hikai ya kiwa chong chnong ka ri hajrong i mahajon ka ri, kamwa 40 tylli ki rong biah (Painting) leh da pynyoo rong ha kani ka sngi.
Discussion about this post