Jowai: Ka Seiñ Kur Dkhar Jaiñtia Hills, Wapung Circle, u pynman ko ya ka “General Meeting (Dorbar Kur)” cum “Excellence Award-2019” wa chi sien chi snem yong ka, ha ka 30-11-2019, hei por 10-30 i step ha Madan Phutbol, Wapungskur, East Jaintia Hills.
Ha kani ka “Dorbar Kur”, nalor i yaklam kaam yong ka kur, daw em lang leh i pynkup burom wei e khusnam ya ki khynroo-khyllood wa purea kiwa poi chakhmat wei kamjooh leh ya ki bru wa hakhmat yong ka kur kiwa da wanrah yei burom wei sñiawsarong ya ka kur.
Ha kani ka yalang yong ka Kur Dkhar, daw em leh, u Phasmon Dkhar, MDC, EM JHADC, kam u kongsan, u Lakhon Dkhar, MDC, JHADC, kam u symbood kongsan, katwa u Justine Dkhar, Ex. MLA, nawan kam uwa chah khut wa kyrpang. Daw em leh wa kiwi tawan kiwa yahkhmat yong ka Kur Dkhar nalor kiwa pynwyrngai ki wow pynchongkun wei wow pynphooh pynpheiñ ya katai ka Dorbar Kur yong ka Kur Dkhar.
Kamtæ ka Seiñ Kur Dkhar, Wapung Circle kyrpaad joor ko ya ki para Kur Dkhar waroh hi eh khamtam dooh ya kitu kiwa haap hapoh yong ka SKDJH-Wapung Circle wow sñiawbha ki wow yakrehlang wa ka Kur wow pyllait por khnang ki wow ya wan paidbah plur khlem pep cha katai ka Dorbar Kur yong ka Kur Dkhar, ha Wapungskur, khnang wa ki kaam yong ka kur yow man ki kiwa lai bait lai ryntih chirup wa i chongkun wa i phooh i pheiñ.
Discussion about this post