Jowai: Ka Scheme bai baam tymmen namo ka Pension Scheme ka sorkar pyrdi kawa tip kam ka Pradhan Mantri- Shram Yogi Mandhan (PM-SYM) waka National Pension Scheme (PNS) kiwa toh neibynta kiwa mylla sngi kiwa kahyi wa kiwa seiñkam yong ki hi, daw yoh ki T. 3000 chi bnai nadooh wa dap ki 60 snem i rta.
Kani man ko ka pynbna paidbah cha waroh kiwa chong chnong yong ka WJH District kiwa em ha ki kaam waphær waphær nadooh kiwa taan Rickshaw, kiwa tyrwa tiar, kiwa chet ja sngi skur, kiwa kit mar, kiwa choh moo, kiwa sooh juti, kiwa pyllang nar jæd tin jæd, kiwa mylla ha yung bru, kiwa sait that, kiwa kreh kaam yong samen, kiwa kreh cha ki lyngkha, kiwa mylla sngi MGNREGA, ki dkhot ki SHG, ki misteri, kiwa chna biri, kiwa thain, kiwa chong dai yaw dai dukan, wa kiwi kiwi jait kaam wei kiwa da dap khadphra (18) snem hadooh soophaw (40) snem i rta ye ki wow pynpsiah pyrtuid yong ki lyngba ki Common Service Centre (Rainbow Digital Seva-CSC) kiwa em hajan chnong yong ki hapoh ka Pradhan Mantri-Shram Yogi Mandhan (PM-SYM) waka National Pension Scheme (NPS).
Ya kini ki Scheme u sdang noh ki nadooh mynstep ka 30 tarik deiwa pynman yaka Launching-cum Enrollment Drive yow thap pyrtuid ya kiwa em hok wow yoh ya kini ki Scheme nadooh 10 waje i step ha District Library Auditorium, Mynthong, Jowai.
Discussion about this post