Jowai : Ka Khasi Students Union Jaiñtia Hills District, da pynsñiaw ko yei sñiaw kmen wei sñiaw sarong hadooh kattæ kattæ wa yoh u yoo ya ka result wa bha yong ki khon khynroo khyllod yong waroh ka Bri u Ynñiawtrep heiwa da pass bha ki lyngba i kreh chitom yong ki ha ki exam waphær waphær kam ka SSLC, HSSLC, CBSE ha uni u snem.
Katkam ka khubor wa pyllait da u J. Paul Lyngdoh, Education Secretary ka seiñ da e khublei wa kyrpang ko cha waroh ki khynroo khyllood wada leh bha wa kiwa poi cha khmat ha kini ki exam yongki. Ka seiñ leh da e khublei ki ya ki nongsikai, ki bei ki kpa wa ya ki school wa pynmih ya ki result wa bha.
Ka seiñ leh e khublei kyrpang ko leh ya kitu ki khynnah wa wanrah burom ya ka Ri-loom Jaiñtia kiwa yoh Distinction ha ki Subject waphær waphær.
Kamjooh leh ka seiñ e mynsien ko leh ya kitu ki wym ye u leh bha, wa ym toh u dooh mynsien ki wow kreh chitom ki neini cha khmat yow yoh ki u khait ya u soh wa jop.
Discussion about this post