Jowai: Heithaw wa u Transformer wow saam bordiñ wa da pynpoi ha chnong Lapangap, West Jaiñtia Hills u wanrah u yei kmen hapyrdi ki paidbah ka chnong da pynphylla won u ya ki neibhah wa hadooh ynne ka sngi ympu em u yoh bordiñ ki hanlada da pynpoi ya oo la kamwa chi bnai tam.
Kamtæ neiliang ka seiñ JSM-Lapangap Unit da kyntu ko ya ki bor ka MePDCL wow saam bordiñ biang hadien wa da sangeh i la kamwa 3-4 snem kattu iwa da wanrah ya ka chnong hei doom i langoh.
Ka seiñ da ong ko leh wa ka lehkmen Christmas wa ka New Year leh dajan poi ki kattu, ka chnong Lapangap da emkaam bha ko ya ka bordiñ.
Da ong leh wa ka chnong emkaam ko sa uwi u Transformer neibhah du uni da mang du neiynta ka Lapangap-A katwa kamtæ emkaam sa uwi u Transformer u wow pynbiang bordiñ ha Lapangap-B.
Kani man ko katkam ka wyrta wa phah da u Vice President ka JSM Lapangap Unit, u Heyboyme Myrphet.
Discussion about this post