Ka Rajya Sabha ynne ka sngi da mynjur ko yaka Citizenship (Amendment) Bill iwa pyndep yei lai luti ko yow pynman tre ri ya ki wym toh ki Muslim kiwa na Pakistan, Afghanistan wa Bangladesh.
Hawa jubab yaka yatai wa ynru kynta chiteiñ, u Home Minister u Amit Shah da ong u wa kani ka aiñ toh wow e man tre ri ya kiwa wan na ki niam wa khian paaid kiwa chah lehbeiñ ha kini ki le tylli ki ri wei ym toh wow pyndooh yei man tre ri yong kiwon kiwon.
Hawa jubab yei kylli ka liang pyrchah yeiwa ieh ya ki Muslim na kani ka Bill, u Shah da ong u wa ki Muslim na kiwi ki ri leh ye ki wow yaleh yow man kam ki tre ri India wei da em 566 ngut ki Muslim wa da yoh yeini i hok.
Ya kani ka Bill da mynjur da 125 Vote kiwa kyrchaan wa 105 ngut kiwa pyrchah. Ka BJP wa ki lok yong ka kam ka JD(U) waka SAD wei da yoh leh yei kyrchaan naka AIADMK, BJD waka YSR-Congress.
U Modi da yaroh u yeini wa da mynjur ya kani ka Bill ka wow man ka sngi wa sahkynmoo ka wow pyndooh yei chah lehbeiñ kiwa boon da ki boon snem.
Ha chwa ini, ka Rajya Sabha da kyntait ko wow phah ya kani ka Bill cha ka Select Committee ka yung dorbar da 124 Vote la 99 Vote.
Neiliang ki dkhot ka Shiv Sena hapoh ka Rajya Sabha ym emlang ki heipor wa thap Vote deiwa ong wa Boycott ki ka ka thap Vote.
Ka Rajya Sabha da kyntait ko leh ya kiwa boon ki kyndon wow pynkylla hapoh kani ka Bill kiwa da wanrah daka liang pyrchah.
Ya kani ka Bill da dep mynjur leh daka Lok Sabha wei kattu u lai ko cha u President yow yoh yaka muhor u yow pynman aiñ noh yaka.
Discussion about this post