Jowai: Ki khynroo khyllood wa puræ ka Kiang Nangbah Government College, Jowai hapoh i yahkhmat ka Kiang Nangbah Government College Student Union (KNGCSU), ynne ka sngi da pynman ki yaka yakhih pyrchah yaka CAB ha pchem ka College deiwa thang ya ki dur bula u Narendra Modi, u Amit Shah waka Agatha Sangma yow beiñ joor ya waroh kiwa emkti wow kyrchaan yaka CAB wa kynthup leh yaka sorkar jylla wa yahkhmat daka NPP.
Deilang wa i rah yaki Placard da beiñ joor yaka BJP wa NPP deiwa kbai yow pynyoh ILP wut wut yaka jylla Meghalaya kawa man ka jylla wa khian khnang wa i man kyrpang yong ka u neh wei ka jaitbru u man ko kawa chngaiñ.
“I heini ym em beiñ joor i du yaka BJP, NPP kamjooh ya kiwi ki Party kam ka Congress neidaw wa heipor em ki heibor da em i dawa ILP haka jylla tangwa ileh wym chimkhia wow pdiang yaka? Tangwa manda mynjur yaka CAB daka Lok Sabha wa Rajya Sabha da khih klang ki wow ya mih wow pyrchah, ileh wa kiwi ki jylla ki yoh ILP ki katwa i ym yoh ya ini wa ktah yaka jaitbru.” ong u General Secretary ka KNGCSU u Wanbiang Pulang.
Da pynrap chooh chooh deiwa ong wa kani ka sngi man ko du kam i sdang yaka yakhih wei lada ka sorkar ym chimkhia yaki dawa, daw pyrkhat da kiwi won ki luti ka yakhih.
Discussion about this post