Baam lut i diñ ya ka yung krehkaam ka MTC ha Jowai

Jowai: Ynne i step synyaaw heipor kamwa 1:20 i diñ da baam lut i ya ka yung krehkaam ka MTC wa em ha Iawmusiang, Jowai.

Katkam ka yutip wa yoh da ong wa ini i diñ da kop i neiliang ka Blue Heaven Restaurant wei da sdang poor i ha waroh kawi kani ka yung krehkaam.

Neiliang ki paidbah da ong ki wa ka kari tympleh diñ da slem ko u wan wei katwa kamtæ i diñ da yohlaad i wow baam lut ya kani ka yung krehkaam.

Da ong leh wa i daw wa slem u poi ka kari tympleh diñ toh neidaw wa haap lai chwa ko ha Mooralong wa em i iñ wei da chah khang u sarok hajan u Jowai Intermediary Bypass. 

Related posts

Chah kem ki le ngut kiwa rahbor ya ka kynthai na Byrnihat wei dai ka hei dor wa Rs. 3 lak ha Rajasthan

October 28, 2025

Hadien chi snem wa chah rahbor ka khynnah na West Garo chem ka na Delhi | Kha khon mar ya poi Tura

October 27, 2025

Ini i diñ da wanrah i leh chiboon i doohnong ya kani ka yung krehkaam wei i takit hajrong ini i jia dang lai i chaphrang.

Hei kamwa i jooh i por, da em wa thmu wow thang yaka District Commerce and Industry Centre wa em ha Mihmyntdu deiwa tympiah ya kawi ka yit dep te kawang diñ chapoh kawi ka kamra haka mala wa em ha wah dooh tangwa nei smat u Chowkidar wow sñiaw ya ini da ye wow tympleh ya i diñ wei da iñ du kawi ka chuki.