Shillong: Ka dorbar wa kyrpang ka yung chna aiñ ka jylla Meghalaya daw pynman ka ha kani ka 19 tarik yow yaklam yei dawa Inner Line Permit (ILP) hapoh ka jylla.
Ya i pynbna daw pynmih haka 16 tarik wei ya kani ka dorbar wa kyrpang da khut hadien wa da yohlaad u montri rangbah ka jylla u Conrad Sangma deilang wa ki montri yong oo wow yachem wa u Union Home Minister u Amit Shah ynne i pyrdi synyaw heipor 12:30.
Ha ini i yachem wa u Shah da kyntu ya oo wow pynkrehkaam yaka ILP hapoh ka jylla heiwa da ap bniah u yeiwa dang emkaam ka jylla wei daw yaleh u wow pynbiang smat.
Ha ini i yachem wa u Amit Shah da emlang leh u Speaker ka Meghalaya, u Metbah Lyngdoh, u Prestone Tynsong, u A.L. Hek, u Banteidor Lyngdoh, u Sniawbhalang Dhar, u Hamlet Dohling, u Samlin Malngiang, u Saleng A Sangma, u Lambor Malngiang wa u Thomas A Sangma.
Discussion about this post