Amlarem: Hei lai li pait ka KSU War Circle yaka PHC kawa em ha chnong Pdengshakap kawa haap hapoh yong ka Amlarem Sub-Division. Ka KSU War Jaiñtia Circle da chem wa yo ry-ai sakhiat ya kiwa thiah kjut ha kani ka PHC neidaw wa ym em light ha kani ka PHC kattu la ar bnai.
Hei thooh tre ka seiñ na ki tre chnong, da yoh ki u tip wa neidaw wa sih u Transformer hapoh kani ka chnong da pynneh ya kani ka PHU hei doom i langoh. Iwa sñiawphylla ka seiñ toh wa neiyi i daw waka MeECL ym wan kylliang ki da uwitwan u transformer hadien 2 bnai leh.
Ini pynyoo waka MeECL ym em kheiñ de ko yei chitom ki paidpah wa chaniah weiwa thiah kjut ha kani ka PHC.
Kamtæ neiliang yong ka seiñ KSU War Circle da pynrem joor ko heiyatoh weini i leh yong ka MeECL tangwa kat yaka bill light won biang bait thij thij man u bnai. Ka seiñ da dawa ko yow pynbiang light noh smat cha kani ka thaaiñ wei kamjooh leh wa da jan i por u thoh exam ki khynnah.
Da dawa yaka MeECL wow leh smat ko yei kaam wei lada ym ye u pynbiang ya ka light ka seiñ daw lai ko chakhmat neibynta ki paidbah.
Kani toh katkam ka khubor na u General Secretary ka seiñ u A.B. Pamksang.
Discussion about this post