Jowai: Ka KSU Mawkyrwat Circle deiwa ya krehlang waka SSSS South West Khasi Hills District, ynne ka sngi da pynman ki daka lai paidbah wow dawa pynkrehkaam yaka ILP hapoh ka jylla wei wow pyrchah yaka Citizenship Amendment Act, 2019.
Ha kani ka sngi, da chimbynta daki hajar ngut ki paidbah deilang wa i kbai pyrchah yaka Citizenship Amendment Act wei wow dawa pynkrehkaam noh daka Inner Line Permit haka jylla hi waroh. Ha kani ka sngi, da yoh yei klam na u Wallambok Syiemiong (Chairman SSSS, South West Khasi Hills District), u Kynpham Kharlyngdoh, u montri chnong Sakwang, u Marconi Thongni (Finance Secretary KSU South West Khasi Hills District), u Ostarnic Marbaniang (Asst. Organising Secretary KSU Sengkmie).
Neiliang yong u Ostarnic Marbaniang da klam che u wa ha kini ki 30 snem tam da yaklam yaka ILP wa ka sorkar tangwa hadooh katni ym em iwon iwon i chimkhia tangwa em bait i kyrmen wa ka sorkar wa kanti daw mynjur ko yaka Resolution ILP wow pynbor leh yaka sorkar pyrdi wow wanrah ya ka ILP hapoh ka jylla yong i. Chooh chooh da kyntu u leh ya kiwa chong chnong ka Mawkyrwat wa ki toh u man ki kiwa paitbniah neibhah lyngba ka CAA daw joor i wan psiah yong ki bru wa na baar.
Kiwi kiwi kiwa klam leh da pynsñiaw ki leh yei dawa noh yaka ILP wei wow pyrchah yaka CAA.
Discussion about this post