Jowai: Ki pulit ka West Jaiñtia Hills District Executive Force (WJH-DEF) kam chibynta wow yarap yaka imlang sahlang wei wow lehkmen leh yaka Christmas, ynnin ka 19 tarik da lai e sñiawbha ki da ki kymmor cha ka chnong Iooksi Kynamynsar, Iooksi Iapkhla waka chnong Priang, West Jaiñtia Hills.
Ya ini i saam kymmor da leh haka yalang wa pynman ha Iooksi Kyanmynsar hiewa da saam 100 tylli kymmor.
Ha kani ka sngi da emlang u M.J. Marngar, MPS, Dy. Superintendent of Police (Hqr), u In-Charge Saphai Outpost wa kiwi ki pulit hei emlang u waheh chnong ka Iooksi Kyanmynsar wa Iooksi Iapkhla deilang waki dkhot ka Village Defence Party.
Ka WJH-DEF da e khublei ko ya waroh kiwa yarap wow pynyoh ya kini ki kymmor wei da kyntu ko leh ya ki paidbah wow pynneh yaka chong suk chong saiñ ha kini ki por lehkmen.
Discussion about this post