Jowai: Ka Peace Foundation kawa man ka seiñ wa da sdang da ki le ngut chilok ha u Naikhynde 2018 hapoh i yahkhmat u President, u Peacestar L Nonglait, u Romario Sungoh wa u Banshynshar Marbaniang wa ki 10 ngut ki dkhot, ynne ka sngi da lai e yarap kk ya ki 140 tylli ki manyung ka chnong Myngsngat, West Jaiñtia Hills.
Ini i e yarap kynthup i ya ki kymmor, ki sula, ki tiar yalehke wei ini man i kam chibynta wow e yarap chwa ka lehkmen Christmas.
Ha ka yalang wa tbian wa pynlai da u Secretary ka chnong u Precioustone Pale da yoh yei klam na u President ka seiñ uwa da e ya ki kyntien sneiñ kyntu ya kiwa chong chnong kamjooh ya ki khynnah wow man ki kiwa ka-it u yalehke Sports wei wow kiar na ki kaam wa sih.
Da kyntu u leh ya kiwi ki bru samen wa ki seiñbhalang wow em ki i mynsien yarap ya kiwa emkaam.
Ya ki kyntein pynkut ya ka yalang da e da u R. Sungoh uwa man u dkhot ka seiñ uwa man leh u khon ka chnong Mynsngat deiwa kyrmen u leh wa ka Peace Foundation u ye chooh ko u e yarap wei wow leh ya ki kaam wa bha ha ki snem wow wan.
Discussion about this post