Jowai: Ki tre chnong ka Huroi kiwa em thaw hapoh ka thaaiñ ka chnong Lahaleiñ ki wym pu yoh yei su bai lutsan næ Compensation, haka 27 tarik uni u bnai da lai syndon ki wow khang pyrchah ya ki baar jylla yong ka Company NBCC wow lai luti na kitai ki thaw wa da chah tympra.
Kamwa man kattæ ki baar jylla kiwa man leh ki wakreh ka NBCC kiwa pynkreh ya i kær sainar chieh wow kær pood pood da lai kreh na kini ki thaw cha i thaw kreh ki. Ki tre thaw kiwa da sñiawkthang na i chet kylla ha i su bai lutsan da lai khang luti wei wow beh syndon ya kitai ki wakreh wym chah de yaki baar jylla wow lai luti ki na kitai ki thaw kiwa ym pu em dep su bai lutsan.
Ki tre thaw da ong ki wa u e laad wow lai luti du hadien wa katai ka Company lyngba ka yung krehkaam u DC ka EJHD u su ki yaka bai tympra pynjæd ya ki thaw rep, da pyntip u Poly Pohleng uwi na ki tre thaw wa chah tympra ki maar rep ha ini i chna sarok wa i kær pood yong katai ka Company ha tymbood khappood Indo-Bangla.
Also Read: Pteiñ kiwa chong chnong Huroi waka KSU wow pyrchah yei kær pood
Discussion about this post