Written By: Soolangki D. Laloo
Kynmoo tympang ya me
A! woh Kiang Nangbah.
Yei kam yong me i’w makhane
I pyrtuid mi yanom u sah.
Khon wakhroo kam me
Ha pyrthai cheiwon u chem wande!
Wa em ka ñia wa ka yurim
Wa yieñ yaleh ya ka Ri u pyn-im.
Yieñ mi nakhap u waboon walang
Yieñ mi dei yong dap chynrang.
Wow thooh yeimon i khe ki Blai
Deiwa ngam mi cha ka thwai.
Katwon sñiawsuk u ap yei parom yong me
I wajooh khana ki waheh yei por nynde.
Katwon sñiaw wyrai u ap yei chah lehbeiñ mi
Ha u mynder du neibynta ka jaitbru, ka Ri.
Ish! ha i ki pateiñ katni
Dang em ma-ai kam uni?
Kiwa em mynsien kam uni
Ki wymtieñ yei lai patok nae ku dieñ pasi?
Discussion about this post