• About Us
  • Contact Us
  • Privacy Policy
  • Advertise With Us
  • Terms & Conditions
Wednesday, July 2, 2025
Wyrta
  • Home
  • Politics
  • Culture
  • Opinion
  • Sports
  • Crime
  • Life
  • English
  • Entertainment
  • Guest Writer
No Result
View All Result
Wyrta
  • Home
  • Politics
  • Culture
  • Opinion
  • Sports
  • Crime
  • Life
  • English
  • Entertainment
  • Guest Writer
No Result
View All Result
Wyrta
No Result
View All Result
ADVERTISEMENT
Advertisement Advertisement Advertisement
Home Uncategorized

Da kynmoo warom yaka lyngkhooh sngi yap wa 157 u Kiang Nangbah ha Jowai

Wyrta Staff by Wyrta Staff
December 30, 2019
Reading Time: 12 mins read
A A
0
Share on FacebookShare on Twitter

Jowai: Kamwa da jooh leh man u snem haka 30 tarik u Kmaichonglad yow kynmoo warom yaka lyngkhooh sngi yap u Woh Kiang Nangbah khlawait ka Ri-loom Jaiñtia, ha uni u snem leh haki thaw waphær waphær da chim yaka bynta wow kynmoo warom ya kani ka sngi wei ynne ka sngi ha Jowai neiliang ka Seiñraij Jowai hadien wa dep ki wow booh syntu ha u mot dur sah naam yong u Kiang Nangbah ha Loom Mooliksoo ka thaw wa pyndep yaka lehniam khaddooh ya i met yap yong u Kiang Nangbah da em won saka yalang kynmoo warom ha Myngkoi Pyrdi Iongpiah wa da wan emlang u montri ka chnat Sport & Youth Affair ka sorkar jylla u Banteidor Lyngdoh, u Dr. W.R. Kharlukhi Retired Associate Professor ka Synod College Shillong, ki paidbah wa kiwi kiwi.

Ha kani ka sngi da kyruiñdien wow kynmoo yei im yong u Kiang Nangbah uwa da yakhun pyrchah wa ki phareng na i thmu shynchaar embor yong ka yaka jaitbru kam wow khrong dan nalor kiwi won kawa da ktah yaka riti dustur wa ka imlang sahlang, wei kam u dap mynsien chynrang hadooh ka sngi yap leh ym ym e laad næ pyndem u, hadooh hachwa wa ki phareng u sdien phasi da klam u yaki kyntien khaddooh deiwa ong, lada i khlieh yong oo u kyruiñ i cha ka mihsngi hapoh 100 snem daw yoh yei laitlooid ka ri, lada kyruiñ cha sepsngi won, chirta daw chong broo, kamtæ i khlieh yong oo da kyruiñ ki cha mihsngi wei hapoh 100 snem ka ri da yoh laitlooid.

U Dr. Kharlukhi hawa e yei klam hajrong ka yurim yong u Kiang Nangbah da ong da man u utæ uwa pyntipchwa yong ka jaitbru wei uwa em ka yurim, neibhah du hadien wa u paidbah da jied ya oo wow man kam uwa yahkhmat da hiar ha madan Madiah Kmaiblai Syntu Ksiar wow paan i bor na u Blai wow yieñ haka yurim ka jaitbru.

Hawa yatoh wa i rukom shynchaar paidbah da ong u, wa i toh u sarong neibhah i da em chwa i ka rukom synchaar paidbah chwa wow wan ki phareng, neibhah haki Elaka waphær waphær da synchaar daki Dalloi ya uwa da jied da u paidbah hi, tangwa ka rukom pyrkhat pyrdaiñ synchaar paidbah da ih bha haka jaitbru toh ha i por u Kiang Nangbah.

Related posts

Khlaad noh ka Kong Nitaboris Biam

November 9, 2024

Sñiawkhia u Andrew Shullai ya i tlot i rukom pynmih poisa ka JHADC

November 7, 2024

Neiliang u Banteidor Lyngdoh won da e yaroh u yaka Seiñraij Jowai kawa chim ka bynta wow kynmoo warom ya u Kiang Nangbah naki snem cha ki snem, wei da ong u wa kani toh kawi naka parom hiar pateiñ hapoh Khasi Jaiñtia wa kam u bru dap chynrang da yakhun na i chah thombor ki paaid ka Ri-loom Jaiñtia kiwa man ki tre chnong tre thaw.

Da pynbna u leh wa daw e sñiawbha ha u snem thymme yaka Seiñraij neibhah wa nadooh ki por wa da dep wa da wan wow paan yarap kamwa T. 3 lak tam neibynta ka Seiñraij Indoor Hall. Ha i jooh i por da kular u wow yaklam wa u Chief Minister wa ha kam kani ka sngi wym du wow e chuti haka jylla wot hadooh waroh ki chnat sorkar leh u pynyoo yaka dak kynmoo warom.

Kiwi de wa klam kynthup ya u O.R. Challam President Seiñraij Jowai, u EMH Passah u Treasurer Seiñraij Jowai, u Arwotki Sumer u General Secretary Seiñraij Jowai.

Haka yalang kynmoo warom kawa pynman daka seiñ Kiang Nangbah Iasiat Khnam Memorial Society ha madan Kiang Nangbah Memorial Park, Syntu Ksiar, ka thaw wa em u mot sah naam yong u Kiang Nangbah da emlang u A.L. Hek u montri ka chnat Art & Culture ka sorkar jylla, ki Dolloi naki Elaka waphær waphær wa kiwi kiwi.

U A.L. Hek hawa klam kam u kongsan da ong u wa kam ka jaitbru i kmen i chiboon wow yoh u dap chynrang wow e kti neibynta ka riti dustur ka imlang sahlang, wei lada ym em kam u Kiang Nangbah ka jaitbru Pnar da chah pyndooh pyndam noh haka bor synchaar ki phareng.

“I em i chiboon bah ki thma yaleh hawa im, nachwa pynemkaam wow yakhun daka wait ka stieh ka suloi, tangwa katni won da i bor jabieñ, i bor stad, wei ka thma wa hap yakhun katni won toh wow beh noh ya i beij, ki bor pynsih ya iwa im i wa kiwi ki bor pynsih yaka imlang sahlang,” ong u A.L. Hek.

Ha i jooh i por da khut da wer u leh ya kiwa yahkhmat ka seiñ Kiang Nangbah Iasiat Khnam Memorial Society wow ya krehlang hawa yatoh u chna yaka Museum u Kiang Nangbah ha Syntu Ksiar, neibhah ye wow chna yaka Museum wow taan ya kiwa wan uiñke na kylleiñ ki thaw. 

Chwa ini da em leh i booh syntu ha u mot sahnaam yong u Kiang Nangbah ha katai ka thaw, wei da yoh yei klam na u P. Toi u President ka KNIKMS, na u C. Najiar u Executive Member ka KNIKMS, na u Dolloi ka Elaka Jowai u Puramon Kynjin wa kiwi, nalor wa saam leh yaki khusnaam cha kiwa jop haki yakob waphær waphær wa da pynman chwa kani ka sngi.

ShareTweetSendShare
Previous Post

Leh warom ka Seva Bharati Meghalaya-JH yaka lyngkhooh sngi yap u Woh Kiang Nangbah

Next Post

E yarap ka ka MATTI Charitable Society cha kiwa duna hei doh i pran

Related Posts

Obituary

Khlaad noh ka Kong Nitaboris Biam

November 9, 2024
Uncategorized

Sñiawkhia u Andrew Shullai ya i tlot i rukom pynmih poisa ka JHADC

November 7, 2024
Uncategorized

Yap uwi wa yarap wow sai ya ki ar ngut wa haap chapoh ka thlu um wa yillu 40 phut ha Jowai

July 25, 2024
Uncategorized

Da toh ieh mylliñ ya kawi ka muna skur hawa chong Taxi ha Jowai

July 23, 2024
Next Post

E yarap ka ka MATTI Charitable Society cha kiwa duna hei doh i pran

Discussion about this post

Wyrta

© 2025 WYRTA Khubor Hei Ktien Pnar

Navigate Site

  • About Us
  • Contact Us
  • Privacy Policy
  • Advertise With Us
  • Terms & Conditions

Follow Us

No Result
View All Result
  • Home
  • Politics
  • Culture
  • National
  • Sports
  • Life
  • English
  • Guest Writer
  • Entertainment

© 2025 WYRTA Khubor Hei Ktien Pnar