U Governor ka Meghalaya u Tathagata Roy da liwan u naka chuti u wa 18 sngi yow chimkti biang yei kaam yong oo nadooh ynne ka 4 tarik.
U Roy da chim chuti u hadien wa pynmih u ya i thoh ha Twitter iwa ong wa kitu kiwa ym sñiawyahap yei em i wym ya sñiawthooh yumut lang haka synchaar paidbah ye ki wow lai cha North Korea iwa da thoh u heipor wa joor ka yakih pyrchah yaka Citizenship Amendment Act, 2019 ha Meghalaya.
U President Ram Nath Kovind da e u yaka chuti ya u Roy, uwa na ki por cha ki por jooh klam lait ha Twitter iwa da wanrah hadooh ka liang pyrchah ha Meghalaya ka Congress, wow dawa ko yow wanrah noh da uwi u Governor.
Heipor wa lai chuti u u Roy, u Nagaland Governor R.N. Ravi da chimkti u wow pait yaka Meghalaya.
Katkam wa thoh u Roy ha Twitter, da lai chuti u cha Diu, kawa jooh em hei synchaar ki nong Portuguese kawa em ha tre ka Sarurashtra wa Gujarat. Da poi u cha chnong u ha Kolkata haka 2 tarik.
Ka Roy kam u Governor ka Meghalaya u kut noh ko ha u Naisan (May), 2020.
Da em leh i yatyngkooh u Roy waka sorkar jylla hadien wym e u yaka mynjur yaka Meghalaya Residents Safety and Security (Amendment) Ordinance kamjooh wym pynkrehkaam u yaka Governor’s Rule hapoh ka KHADC.
Discussion about this post