Ka Lympung ki khynnah Seng Khasi Seiñraij da pyntip ko cha ki pateiñ u Ynñiawtrep Ynñiawskum wa kamwa jooh pynman man u snem ya ka Lympung Khynnah, ha uni u snem 2020 daw pynman ya ka Lympung Khynnah Seng Khasi Seiñraij wa 15 ha chnong Lawbah, East Khasi Hills chirup wei yakrehlang wa ka Sengkhasi Lawbah ha ka 11 wa tarik uni u bnai.
Ha ka 11 tarik u sdang ya ka Lympung heipor 1:00 i sngi katwa ha ka 12 tarik won heipor 10:00 i step.
Ha kani ka Lympung ki khynnah u yoh laad ki u pynyoo yei sap wa da em kyrpang ha ki nadooh i klam, i chaad, i rwai, wa ki lehke wa boonjait .
Ka chnong Lawbah em ko cha thaaiñ Mawsynram Sub-division, kawa jngai kamwa 139 km na Jowai, katwa na Shillong kamwa 75 km.
Kamtæ da khutlang ya waroh ki khon ki Seiñraij Sengkhasi wow wan sakhi lang wow e mynsien ya ki khynnah wa chimbynta ha kani ka Lympung.
Discussion about this post