E yarap sñiawbha ki bru pawnaam neibynta i yakhun pyrchah ya i diñ ha Australia

I iñ ki khloo ha Australia iwa pteiñ hadooh ynne ka sngi ha waroh kawi ka ri da wanrah i yei yap ki mrad hadooh palat 500 million tylli kamjooh leh ki phaw tylli ki mynsien bru.

Hadooh ynne ka sngi i diñ da baam lut i ya palat 1300 tylli ki yung wa ki khloo ki thaw wa boon.

Neiliang ka Parris Goebel, kawa man ka dkhot ka New Zealand Order of Merit, u esñiawbha ko $20 cha ka Australian Red Cross neibynta kawi pa kawi ka pynpoor (Share) ya iwa booh ko (Post) ha Instagram neibynta i diñ ha Australia. Da esñiawbha ko leh ya ka NSW Rural Fire Service.

Neiliang ka P!nk da e yarap ko $500,000 cha kiwa tympleh diñ kiwa yakhun ya kini ki diñ.

Related posts

Khlaad noh ka Kong Nitaboris Biam

November 9, 2024

Sñiawkhia u Andrew Shullai ya i tlot i rukom pynmih poisa ka JHADC

November 7, 2024

Ka Nicole Kidman wa u kurim yong ka, u Keith Urban da e yarap ki $500,000 cha kiwa tympleh diñ deiwa ong wa ka yung ka sem ka yong ki ngoohblai ko neibynta kiwa chah ktah hei diñ.

Ka Ellen DeGeneres da e yarap ko ya ka Red Cross, ka Australian Wildlife Fund wa ka NSW Rural Fire Service deiwa ong ha u Twitter wa man i iwa eh u sñiawthooh yei heh i thaw wa da chah ktah ha i diñ ha Australia.

Kawa yalehke Tennis ka Australia, ka Ash Barty da kular ko wow e ya ka poisa wa jop ko na ka lympung Brisbane International cha kiwa tympleh diñ.

Kawa leh danda (Comedian) ka Australia, ka Celeste Barber da ye ko u khrong $32,160,166 lyngba ka Facebook Fundraiser wa sdang ko neibynta ka NSW Rural Fire Service and Brigades Donations Fund.

Kiwi kiwa da e yarap toh u Nick Kroll, Joel Edgerton, ka Selena Gomez, ka Hilary Duff, u Matthew Koma wa kiwi kiwi.