Dawa pynboon bor yada khappood ka JSU na u montri kaam pohyung

Shillong: Ka Jaiñtia Students’ Union (JSU) deilang wa u waheh chnong ka Bakur ynne ka sngi da kyntu ki ya u montri kaam pohyung ka jylla, u James K Sangma wow pynbiang ya ki pulit ha Dawki Police Station wa ka Outpost ha Muktapur, West Jaiñtia Hills hadien i wan thombor yong ki suba nong Bangladesh.

Hawa klam wa ki laad pathai khubor u President ka JSU, u Treibor Suchen da ong u wa ka seiñ da pyntip ki leh ha u montri yei duna ki chipai yada khappood (BSF) ha katai ka thaaiñ kawa da pynman leh ya ki damok na Bangladesh wow thombor ya ki arngut ki bru paidbah ka thaaiñ ha ka miet 4 tarik uni u bnai.

U Treibor da pyntip u leh wa neiliang yong ki da dawa ki na u montri kaam pohyung wow pynboon chooh chooh ki pulit ha katai ka thaaiñ, wow yaklam wa ki BSF wow pynboon chooh chooh ya ki chipai yada khappood, neibhah kamwa man katni yoosar i jia ha khappood ym jooh poi chadooh ki bor wa haneiñ tangwa da pynkut du ha ki thanat kiwa em ha khappood.

Uwa yahkhmat ka JSU da pyntip u wa neiliang u Home Minister daw phah u ya ki pulit wow lai sonteri ha kitai ki thaaiñ wei kamjooh leh da paan u ya ki thaw booh ya ki wow pait yaka thaaiñ khappood wa chipor khnang yow yoh ki paidbah ka thaaiñ u yoh yei chngaiñ.

Related posts

Khlaad noh ka Kong Nitaboris Biam

November 9, 2024

Sñiawkhia u Andrew Shullai ya i tlot i rukom pynmih poisa ka JHADC

November 7, 2024

Chooh chooh u Suchen da pyntip u wa neiliang u montri da kular u wow khut ya ka yalang wa jhan ha kini ki sngi wow wan, heiwa daw emlang leh ki heh pulit, kiwa pynlai chnong wa ki dkhot ka seiñ. Da pyntip u leh wa u James da phah lai sonteri nadooh ynne i miet ha ka thaaiñ waroh kawi hapoh i pait u Deputy Superintendent of Police ka West Jaiñtia Hills.

Neiliang u Daniel Khongsit uwa man u waheh chnong ka Bakur da pyntip u wa i psiah ki dkhar na Bangladesh da man ko chawa palat bha katni wei da chlur leh wow wan psiah ha i por sngi da ki wa boon boon deilang.

Da beiñ u leh ya ki chipai yada khappood kiwa ym chimkhia ya ka kaam kawa pynman ya ki dkhar na Bangladesh wow psiah laitlan.

Da ong u wa i jia ha ka 4 tarik ym toh de ka sien wa nyngkong, heiwa ha ki snem wa da dep leh da em kam kine ki jia pyntieñ da ki damok na Bangladesh.

U Daniel da pyntip u leh wa neibynta i thaw booh chipor ya ka thaw booh ya kiwa yada khappood wa neiliang u Dolloi ka Elaka Nongtalang da kular u wow chimkhia ha ka yalang wa ki pulit wow yarap pynyoh ya katai ka thaw.