Jowai: Ki pulit yong ka West Jaiñtia Hills District deilang waka Hynñiewtrep Youth Council (HYC) Jaiñtia Hills District waka Jaiñtia Student Movement (JSM), ynne ka sngi da pynman ki yaka sylli lang namo ka Joint Inspection ya ki baar jylla ha ki ar tylli ki thaw, ha Toll Gate Plaza Ynñiawmer wa ha i thaw wa pynchna yaka yung ka Woodland, heiwa ha kani ka khynra da chem hadooh kamwa 30 ngut tam ki baar jylla kiwa wan kreh ha kitai ki thaw ki wym em ki kot ki sla kiwa biang wow pynsakhiat wa man ki kam ki tre ri næ ki nong India.
Ha kani ka lai khynra, neiliang ki pulit da yahkhmat da ka I. Nongrum, katwa neiliang ka HYC da u Roming Lamare wa u Edmund Lamare u General Secretary Jowai Circle JSM. Hadien wa chem wa kini ki wakreh mylla na baar ym ye ki wow pyntikna wa man ki ki nong India, neiliang ki ar seiñ wa ki pulit da hukum ya ki wow liwan noh wei ye ki wow wan kreh biang deilang wa ki kot ki sla kiwa ye wow pynsakhiat wa ki man ki ki tre ri.
Neiliang ki ar seiñ da maham ki leh ya ki Contractor næ kiwa pynkreh wa ym toh u wanrah ya ki wakreh chapoh ka District næ jylla ya ki bru kiwa na baar khlem biang ki kot kiwa ye u pynsakhiat ya i tre yong ki.
Discussion about this post