Jowai: Ka Jaiñtia Youth Federation (JYF) hadien wa chem ko ya i metyap ka masi wa da chah noh harood u sarokbah Jowai By-pass ha ka 8 tarik uni u bnai heipor kamwa 12:30 i sngi ka seiñ da chem ko wa kani ka masi da pyud wei da sma ko.
Kamtæ ka seiñ hapoh i yahkhmat u President wa General Secretary khlem pynslem da wanrah ko da ka pooh chi-loom wow tlep noh ya kani ka masi khnang wa ki paidbah wa kiwa lai wa wan lyngba kani ka sarok u lait ki nei sma wei iwa ye leh u ktah yei chait i khiah yong ki.
Neiliang ka seiñ da beiñ ko leh ya ki bru wa chim kabu kiwa khlem pyrkhat yei bha i miat ka imlang sahlang neibhah ini i leh khlemakor yong ki da pynboodnaam i ya kiwa chong chnong ka Ri-loom Jaiñtia khamtam lada yoo kiwa uiñke suwari yeini.
Ka seiñ da ujor ko leh ha Jowai Police Station hajrong ini khnang wow leh ki yeiwa emkaam deiwa kyntu leh ya ki paidbah wow man kiwa paitsiar ya kam ini i leh ki bru kiwa chim kabu.
Also Read: Maham joor ka JYF ya kiwa khayi masi kiwa noh roi ya ki masi wa yap
Discussion about this post