U pyrchah ka CoMSO lada wan ki montri ka sorkar pyrdi katwa ym pu yoh ya ka ILP

Shillong: Ka Confederation of Meghalaya Social Organisation (CoMSO) da rai ko wym pdiang ya ka Citizenship (Amendment) Act, 2019 lada yoh næ ym yoh ya ka Inner Line Permit (ILP), heiwa da dawa leh naka sorkar India wa toh u pyndam noh ya ka CAA, wei kamjooh wow pynman yaka yakhih pyrchah lada ki montri ka sorkar pyrdi u wan ki cha kani ka jylla katwa ym pu e ya ka ILP.

Hawa klam ynne ka sngi wa ki laad pathai khubor u Chairman ka CoMSO, u Robertjune Kharjahrin da pyntip u wa kani ka seiñ ki seiñbhalang da chim ya ar tylli ki rai, wow ujor ha ka yung bichaar Supreme Court wei wow dawa pyndam syndon ya kani ka aiñ na ka sorkar India.

Hawa yatoh wa i dawa Inner Line Permit ya kawa da rai da ka yung dorbar ki MLA, u Kharjahrin da beiñ joor u yaka sorkar India kawa khlem chim rai hajrong kani ka dawa ya ka ILP wa ym pu khut yachem ya kiwa yahkhmat ka sorkar Meghalaya.

U Kharjahrin da beiñ joor u leh ya kiwi ki jaitbru kiwa em ha kani ka jylla kiwa da lai wow pynchoi cha Delhi wym toh u e yaka ILP ha Meghalaya deiwa pynsñiaw wa daw ktah ya ka roi ka paar ha kani ka jylla. Da maham u leh ya kini ki bru wow sngeh noh ki ya ini i pynchoi.

Related posts

Pynkhreh ka BJP Meghalaya ya ka Election 2028 deiwa pynskem ya kiwa kitkaam thymme

June 14, 2025

Kyntait ka Agatha Sangma wow man ka kyrtong MP cha Rajya Sabha

May 29, 2025

Ha iwi i liang da pyntip u wa ka CoMSO daw pynmih ko leh ya ki kot lakdop wow saam cha ki paidbah neibynta wow pynsñiawthooh wa i wan yong ka ILP ym ktah ko ya ka jylla næ ya ka Sixth Schedule.

Ha i jooh i por da kyntu u ya ki dorbar tre ri, kam ki Hima, Elaka wa Nokma wow chim lang ya ka rai wa ki kyrchaan ki ya i dawa ILP.