Ka Dorbar Chnong Loom Soo Iung Newhill, Jowai da pynthymme ko ya kiwa kitkaam yong ka ha ka General Meeting kawa da pynman ha ka 22-11-2019 ha yung dorbar Hall neibynta u snem 2020– 2021, wei ya kiwa kitkaam wa thymme da pynskem ya ki da u Dolloi Elaka Jowai u P. Kynjing hei ya emlang ki Executive warim wa ki dkhot ka dorbar chnong.
Kiwa kitkaam wa thymme man ki kamni ha wah:
Waheh Chnong: U Restanwell Sdor
Asst. Waheh Chnong: U Marsanki Pakma
Chairman: U Evermore Suchiang
General Secretary: U Edmund Pakma
Asst. Genl. Secy.: U Marjanki Hadem
Finance Secy.: Ka Lorita Nongbri
Wei da jied leh ya arngut ki Auditor, uwi u Custodian wa 12 ngut ki dkhot ka Executive.
Ya kani ka jingialang da pynlai da u Chairman ka chnong wei da yoh ya ki snieñ ki kyntu na u S.W. Nongbri u waheh chnong warim, na u Dolloi Elaka Jowai wei leh na i klam na u waheh chnong wa thymme uwa da kyntu ya kiwa chong chnong ka Loom Soo Iung wow man kiwa ya krehlang wa ka Executive yow wanrah ka chongsuk chongsaiñ hapoh chnong hapoh thaw wei ha i jooh i por da kyntu u ya ki paidbah wow man kiwa husiar hawa poi hapoh u pood u ang ka chnong deiwa khang wa ym toh u pynmih ya kiwon kiwon ki pynkulmar chnong, kam ki dih muaid, i klam sih, i leh kaam khlemakor, i pynheh ya ki sur na ki kari lada man kiwa lai lane kiwa yieñ næ kiwa wan emkaam hapoh chnong khamtam ha i por miet, neibhah ka chnong ym maap ko ya kam kini ki leh khlemakor wa wanrah ya i thut ya ka chongsuk chongsaiñ wei wow pynboodnaam ya ka chnong ka thaw, wei i pynchitom ya kam kini ki kaam u man ko katkam ki kyndon aiñ ka chnong wei da kyntu leh ya kiwon kiwon ki seiñbhalang næ seiñ kreh mon sñiawbha hawa em ki iwon iwon i kaam ha Loom Soo Iung Newhill Jowai wow pyntip chwa ki cha ka chnong khnang wow em ka ya krehlang, neidaw wa kam ka chnong man ko kawa smat wow ya krehlang wow wanrah ya ki myntoi ka suk ka saaiñ ya ka chnong ka thaw, wei ka dorbar chnong ym kitkhlieh ko ya kiwa wan khlem da pyntip chwa.
Ka kyrwoh na u waheh chnong ka Loom Soo Iung Newhill, Jowai.
Discussion about this post