Hadooh 12 kilo tam u bhang yoh kem ki pulit na Jowai Bypass

Jowai: Ki pulit ka West Jaiñtia Hills, ynne i step synyaw heipor 01:00 waje hadien wa yoh ki ya ka yutip wa tikna da kem ki ya kawi ka kari Mahindra Scorpio wa em u No. MZ 01 T 2502 ha Jowai Bypass.

Hapoh kani ka kari da kem ki soo ngut wa kynthup ya u Samuel Vanlalpekhlua (21 snem), u Deepak Gharty (21 snem), u K Lothantluanga (26 snem) wa u R.C. Lalrinfela (24 snem) wei kini waroh toh kiwa na Bawngkawn, Aizawl, Mizoram.

Kini ki soo ngut da kam ki wa da thmu ki wow lai na Shillong cha Mizoram.

Napoh kani ka kari da yoh ya 11 song u bhang uwa khia 12.192 kilo wei ya kini ki song da thap hapoh ar tylli ki synduk kot ya kiwa da booh hadien kani ka kari.

Related posts

Thmu u pulit Assam wow slaitbor ya kawi ka khynnah ha i chnong wa em ha khappood

August 28, 2025

20 snem wa 25 snem phah kset ka yung bichaar ya ki ar ngut wa slaitbor khynnah ha East Jaiñtia Hills

August 27, 2025

Katkam ki kyndon ka NDPS Act, da kem noh ya kani ka kari, kawi ka mobile, wei kamjooh leh ya uni u bhang.  

Ya kini kiwa chah kem daw yah noh ya ki cha ka yung kasari myntu ka sngi.