Phah pynsangeh ka High Court yei challan ya u mooyong wa dep lilam

Ka High Court ka Meghalaya da pynmih hukum ko ynnin ka 15 tarik yow pynsangeh chwa yei kit wei wow challan ya u mooyong wa da dep dai lilam ha South West Garo Hills hadooh ka 30 tarik uni u bnai heiwa daw chong bichaar biang yaka mukotduma.

Kani ka mukotduma toh kawa yaleh daka M/s Pahal Coal Traders Pvt. Ltd. pyrchah yaka sorkar Meghalaya kawa da chong bichaar da u Justice H.S. Thangkhiew uwa da pynmih hukum wow sangeh chwa yei challan mooyong hadooh wa chong bichaar biang ya kani ka mukotduma deiwa phah ya u DC wa u SP wow pyntikna wa ya kani ka hukum u bood ka.

Ini da wan i leh hadien waka Lokayukta ka Meghalaya da phah pynman ko yaka takit da ka CBI yei challan tooh ya u mooyong, ki moo, u kwai wa kiwi ki mar khamtam ha East Jaiñtia Hills ha kiwa boon ki Check Gate ha ki thaw wa em khappood waka Bangladesh waka Barak Valley ka Assam.

Ka Lokayukta da ong ko wa ini i dooh nong ka jylla da poi i da T. 1000 klur wei da emkti lang ka chnat, Geology & Mining, Transport, Supply, Sale Tax Department ka jylla waka Central Land Custom Department .

Related posts

Khlaad noh ka Kong Nitaboris Biam

November 9, 2024

Sñiawkhia u Andrew Shullai ya i tlot i rukom pynmih poisa ka JHADC

November 7, 2024

Kamtæ da phah ya u Chief Secretary wow kyrriah noh ya ki heh chnat sorkar kiwa da pynmih pyrtuid da uwa ujor cha ka Lokayukta wa kynthup nadooh u DC wa u SP ka EJH yow man ka takit kawa khooid wei kawa ym em wa pynwit.