Ka Meghalaya Football Association da pyntip ko wa daw pynman yaka lympung yalehbol wa pawnaam kawa tip kam ka Hero Junior National Football Championship (Tier 1) kam chibynta ka Dr. BC Roy Trophy, ka wow pynman nadooh ka 28 Duiatra (January) hadooh 6 Thohlakhmi (February).
Daw pynman 27 tylli ki yalehke ha madan Polo da ki 16 tylli ki liang kiwa da yabhah ha ki 4 tylli ki Group wei daw pynman soo tylli ki yalehke chi sngi wei kiwa khlieh ya ki jar jiar ki Group daw yoh ki wow psiah cha ka Semi Final. Ki Semi Final u pynman haka 3 wa 4 tarik u February katwa yaka Final da booh wow pynman haka 6 February.
Ka Meghalaya da booh lang ka waka Haryana, Odisha waka Sports Authority of India haka Group C. Ka Mizoram kawa man kam ka Defending Champion da em ko haka Group A. Heiwa ka Manipur da em ko haka Group B kiwa man ki jylla naka thaaiñ mihsngi kiwa yoh u chimbynta.
Ka Dr. BC Roy Trophy da bood ko yaka yalehke Promotion-Relegation System heiwa ki ar liang kiwa poi Final da pynku kyrdan ya ki naka Tier 2 cha ka Tier 1, katwa ki arliang kiwa em ha tre dooh da pynhiar ya ki cha ka kyrdan wa ha wah.
Ka MFA sñiawskem ko wa ki khynnah ka Meghalaya kiwa da pynkhreh bha neibynta kani ka lympung hapoh i pait ka MFA Youth Development Cell, kamjooh yei ye ka jylla wow pynman ya kani ka Championship ha i rukom wa jop hadien wa da dep wow pynman leh yaka Indian Women’s League waka U-18 Youth League (katni ka Elite League) ha u 2018.
Ka Association da pynchlur ko ya waroh kiwa maya Football ka jylla wow wan ki yow pynyoo yei kyrchaan yaka jylla yoh ki u man kam ki National Champion.
Ki yalehke ka Meghalaya ka man ki kamni ha wah:
Vs Haryana, 28 January
Vs Odisha, 30 January
Vs Sports Authority of India, 1 February
Discussion about this post